Vêngtu Pathien ei nei
Kan nau a naupang lem nuhmeite hi khum an'thawk a tlathlâ hlak a, inràng takin ka pawm kai nawkin anin nawk bawr bawr hlak. A khum an'thawk a tla inlauin a tla nawna dingin a dangna kan siem hlak. Quarantine kan umna YLS a hin ditsak takin table anmi lo remkhawm pêka, ṭumkhat chu a lo tlathlaa ka pawm vât a, a thla a muong hlê ning a tih a înnawk bawr bawr.
Kan naunu ang bawka phurrik phur lei dâm, lungintar le lungril sawl leia ngaituona invák vêl leia zânah ei tlâk nawna dinga tla tamtak um hlak ei tih. Vêngtu Pathien ei tlâkna ding anthawk mi pawmkângtu ding ei nei a ni ti hi ei hrietzing nuom a um. Quarantine ah umhai lem hi chu ningîntel le nghâwk taluot lei dâm, ṭitna leia imu intuo hleithei loa insângtak an'thawka tla thuom dup dup dâm, test result nghâk leia lunginhângna le lungrilsawl dâm (stress lei). Mani nuom le châk zâwng fa phâk lo hmuphák talo, thaw thei talo leia nuorna ding le chier inhruol ding zawng tamtak an um ti ei hriet. Lâm thiemhai le frontline workers hai tharum tlung nuom khawpa insêlpui hai thiem inchangtir(justified) tum lei ni lovin a thuphûnga ka hril ve el chau a nih.
Protocol bawsietu hai chu ei dem in thiemnaw ei inchang hlè. Thuâwi tâka sawrkar protocol dân le dûn zui dinga self-declaration thaw ngat ei ni kha. Amiruokchu Quarantine ah umhai khawvêl hmang hi a chîn ta a, bang kil li sûnga ei invir ei invír a ni deu tak. Tamtak chu mentally and psychologically mak taka sukbuoiin an um a ni ti hriet thei a nih. Ṭhenkhat lem chu (kan umna ah)nupa insêl chau ni lo kut inthlák chen a tlung hiel, chawlawl leia thil tlung thei a nih.
Pathien a chau naw chu lungawina le beisei ding dang a um nawh. Thlarau ramah lo chau deu, hrat tawklo hai tading lem chun lungril put dân hi a pangngai naw thei a ni ti hi keini rawi tawnhriet a ngêi an'thawk hriet thei a nih. Naupanghai lem hi chu hrietthiemna an la nei tlâwm lei in, ei hrilfie tahnung khawm a vêl a véla hrilfie nawk a ṭul hlak. Chuleiin, Quarantine a umhai hi ṭawngṭaipui kan ngai hlê a nih.
Tirko Paula in, 'Pathien thlamuongna, lungril hrim hrima hriet sênglo khan, in lungril le in ngaituonahai chu Krista Isua chun vêngpêk a ti cheu' a ti hi a va pawimaw deh. Insângtaka inthawka tlâk thlâk theina inthawka ni vêngtu chu Krista Isua a nih. Mithienghlim Tirko Paula bawkin, 'kei chu iengang khawmin umlang lungawi pei ka chîng ta sih a, tlâwmtaka um dân ka thiem a...thil tinrêng le thil po poa tlai le phîngṭama um dân, hausa le tlasama um dân thurûk chu ka hriet suok tah' hi hi a nih mitin pawimaw chuh. Lungawina le umdán thurûk hrietsuokna (I have learned the secret of living in every situation) tak hi a ni ei pawimawtak chuh.
'A mi sukhrâttu Krista zâra chun iengkim ka thaw thei a nih' ti hi ei banner puonzâr ei khaisangtak ding ni raw seh.
Iengkimah ṭawngṭai le hniin lawmthu hrilsa peiin in dithai chu Pathien kuomah inhriettirin um lem raw seh. Ei dithai chau hnia ṭawngṭai ding ei ni nawh, lawmthu hrilsa pei ding ei ni lem. Lawmthu hrilna ding inzâwt seng annaw, him taka vairamah kha chen ei lo umna dâm, sinthaw le inchûk theia ei umna hai dâm, ṭhenkhat vangduoina leia rêl chuongnaa siet tuok um zing laia dam le him taka vêng ei tlung theina dâm, sawrkarpa in kawng hran hrana ami bâwisawmna le enkawlna dâm, Pathien umpuina le ṭhuoina tamtak inzawt ding a um. Iengpo khawm nisienla Vêngtu Pathien ei nei hi ei thla a muong, tlathla hlak inla khawm mi pawmkâng in ei tlâk nawna ding a dangna ding(guardrails) mi siempêk rawp a tih.
LALPA Isu Krista Lunginsietna chu ei kuomah um pei raw seh.
AMEN.
Johny Laldinthar F. Tusing,
YLS, IQC Room- X, East Wing
June 9, 2020; 06:50 am.
Kan nau a naupang lem nuhmeite hi khum an'thawk a tlathlâ hlak a, inràng takin ka pawm kai nawkin anin nawk bawr bawr hlak. A khum an'thawk a tla inlauin a tla nawna dingin a dangna kan siem hlak. Quarantine kan umna YLS a hin ditsak takin table anmi lo remkhawm pêka, ṭumkhat chu a lo tlathlaa ka pawm vât a, a thla a muong hlê ning a tih a înnawk bawr bawr.
Kan naunu ang bawka phurrik phur lei dâm, lungintar le lungril sawl leia ngaituona invák vêl leia zânah ei tlâk nawna dinga tla tamtak um hlak ei tih. Vêngtu Pathien ei tlâkna ding anthawk mi pawmkângtu ding ei nei a ni ti hi ei hrietzing nuom a um. Quarantine ah umhai lem hi chu ningîntel le nghâwk taluot lei dâm, ṭitna leia imu intuo hleithei loa insângtak an'thawka tla thuom dup dup dâm, test result nghâk leia lunginhângna le lungrilsawl dâm (stress lei). Mani nuom le châk zâwng fa phâk lo hmuphák talo, thaw thei talo leia nuorna ding le chier inhruol ding zawng tamtak an um ti ei hriet. Lâm thiemhai le frontline workers hai tharum tlung nuom khawpa insêlpui hai thiem inchangtir(justified) tum lei ni lovin a thuphûnga ka hril ve el chau a nih.
Protocol bawsietu hai chu ei dem in thiemnaw ei inchang hlè. Thuâwi tâka sawrkar protocol dân le dûn zui dinga self-declaration thaw ngat ei ni kha. Amiruokchu Quarantine ah umhai khawvêl hmang hi a chîn ta a, bang kil li sûnga ei invir ei invír a ni deu tak. Tamtak chu mentally and psychologically mak taka sukbuoiin an um a ni ti hriet thei a nih. Ṭhenkhat lem chu (kan umna ah)nupa insêl chau ni lo kut inthlák chen a tlung hiel, chawlawl leia thil tlung thei a nih.
Pathien a chau naw chu lungawina le beisei ding dang a um nawh. Thlarau ramah lo chau deu, hrat tawklo hai tading lem chun lungril put dân hi a pangngai naw thei a ni ti hi keini rawi tawnhriet a ngêi an'thawk hriet thei a nih. Naupanghai lem hi chu hrietthiemna an la nei tlâwm lei in, ei hrilfie tahnung khawm a vêl a véla hrilfie nawk a ṭul hlak. Chuleiin, Quarantine a umhai hi ṭawngṭaipui kan ngai hlê a nih.
Tirko Paula in, 'Pathien thlamuongna, lungril hrim hrima hriet sênglo khan, in lungril le in ngaituonahai chu Krista Isua chun vêngpêk a ti cheu' a ti hi a va pawimaw deh. Insângtaka inthawka tlâk thlâk theina inthawka ni vêngtu chu Krista Isua a nih. Mithienghlim Tirko Paula bawkin, 'kei chu iengang khawmin umlang lungawi pei ka chîng ta sih a, tlâwmtaka um dân ka thiem a...thil tinrêng le thil po poa tlai le phîngṭama um dân, hausa le tlasama um dân thurûk chu ka hriet suok tah' hi hi a nih mitin pawimaw chuh. Lungawina le umdán thurûk hrietsuokna (I have learned the secret of living in every situation) tak hi a ni ei pawimawtak chuh.
'A mi sukhrâttu Krista zâra chun iengkim ka thaw thei a nih' ti hi ei banner puonzâr ei khaisangtak ding ni raw seh.
Iengkimah ṭawngṭai le hniin lawmthu hrilsa peiin in dithai chu Pathien kuomah inhriettirin um lem raw seh. Ei dithai chau hnia ṭawngṭai ding ei ni nawh, lawmthu hrilsa pei ding ei ni lem. Lawmthu hrilna ding inzâwt seng annaw, him taka vairamah kha chen ei lo umna dâm, sinthaw le inchûk theia ei umna hai dâm, ṭhenkhat vangduoina leia rêl chuongnaa siet tuok um zing laia dam le him taka vêng ei tlung theina dâm, sawrkarpa in kawng hran hrana ami bâwisawmna le enkawlna dâm, Pathien umpuina le ṭhuoina tamtak inzawt ding a um. Iengpo khawm nisienla Vêngtu Pathien ei nei hi ei thla a muong, tlathla hlak inla khawm mi pawmkâng in ei tlâk nawna ding a dangna ding(guardrails) mi siempêk rawp a tih.
LALPA Isu Krista Lunginsietna chu ei kuomah um pei raw seh.
AMEN.
Johny Laldinthar F. Tusing,
YLS, IQC Room- X, East Wing
June 9, 2020; 06:50 am.
.jpg)
.jpg)