THINLUNG A THLÎR ZAWK ṬHIN E ~ VANLALSAILOVA
Johny Laldinthar F.Tusing,
24 Februray, 2019, UBS, Pune.
Vanlalsailova hi hlasak a thiem a, Zoram khawvêl sukhning thei khawpa theina le danglamna nei a ni ngei el. Hlasak mi ka ni naw leiin ka uksak bêk bêk nawh. A hranpa takin ka va ngaisang chuongin kan hriet nawh. Amiruokchu a piengthar hnunga a hringnun thlâkdanglama a um hnung ruok hin chu ka ngaiven ve hlê. Youtube a khawm a channel ka subscribed a, hun awl ka nei huna a video upload hai ka en zeu zeu hlak.
Ei thupui hi, a hlasak a mi, shooting changkang tak leh an suksuok a mi a nih. A original ang charin Lusei ṭawngin ei hung laksawng chawt el a nih. Feb.15-17, 2019 khan Spiritual Life Centre, Nasrapur, Pune hmunah SIEMTHARNAWK NA CAMP nei dingin Speaker dingin fiel a ni a, fielna tlâwmtak chu ngaipawimaw in, a hun inteptak kara rawngbawlna nei dingin keini Pune a Hmar tlâwmte hai lai rawngbawlna a hung nei a, siemthar ngai tamtak hai tadinga tuihnâng pai a ni bawk leiin thlarau a, khawp le tlai takin hun inhawi takin kan hmanga kan lawm hlê.
Abikin kei hlie hlie in ka hlawkpui hle. A Testimony hai mawl kha a ropui hlê, chona nasatak a mi pêk. Pathien in mi a hmanghai hrim hrim hi Krista leia mani inhnawl le mani hringnun lo invuiliem an ni vawng. Dwight L. Moody (William R. Moody. The Life of Dwight L. Moody, New York: Wildside Press, 2013) dam kha khawvêl hriet a thuhriltu ropui le Krista hnungzuitu mi suongum a nih. Moody in hieng hin a ti "...Pathien ropuina dingin miin iengkim chân huom in a thawzet naw chun Pathien thilthaw ropuitak anlang ngai nawh" tiin a lo hril. A naupa William R. Moody in a chanchina ziekna a hin apa D.L.Moody in Krista leia tuor an huomzie le a theina popo sawrkang a nuom zie hai a zieklang. Billy Graham (Billy Graham. Just as I Am. San Francisco: Zondervan, 2007) Khawvêl thuhriltu ropui le mihriem 80 million neka tam hmaa (in person) Krista chanchinṭha puongsuoktu le mi tamtak thlakdanglamtu hringnun dam hi hriet le tiem nghawk a um naw ngei de! "... ka thuok tawpchen in Pathien hmangaina thu hi khêkpui pei ka tih, Pathien in a mi ko a, ami kotu Pathien in thuril le rawngbawl tawp dinga ami ti hmakhat sunzawm pei ka tih, hratna ka nei sûng phawt, Pathienin hun ṭha mi pêk sûng phawt Evangelist sin hi ka dam san a nih" a ti tawp el. Krista Pasalṭha niin 21 February, 2018 khan ringumtaka a rawng a i bawl Lalpa kuomah a lo chawl hadam tah. William Carey (Janet and Geoff Benge. Christian Heroes: William Carey. Seattle: YWAM, 2011) Father of the Modern Mission tia ko hiel khawpa mani invuiliem a India rama Krista rawngbawltu ringum chun hieng hin a ti "Hieng harsatna le beidawngna hai hi kan tading chun thina hlim varuom ang an nia, ka lungril inthuktak chun bawpel chu kan hâwk em em, ka tadinga ka ruolṭha neisun chu hieng harsatna hai hi an ni el sia, amiruokchu a mi sandam le hmangaina a sip Pathien chu ka kuomah a um si a” tiin a rawngbawlnaa harsatna sûmpui in a bawm laia a zieksuok a nih.
Charles Spurgeon, Prince of Preacher ti hiel khawpa thuhriltu ropui meu khawmin Krista hnungzui ding hin chu mani inhnawla inngaitlawmna nun nei hi thil pawimaw tak a ni a tih.
THINLUNG A THLÎR ZAWK ṬHIN E, ti hla hi 31 December, 2018 khan Valalsailova Channel a upload a ni a, ei thuziek chen hin hi video entu mi 833, 762 (ni 54 sûng) antling tah. A video trend hi hrietchiengna dingin zan dar 12 in a view umzat kan chîka, a zan nawk a darbi pângngai bawka ka ennawk a chuonga zan hni ka thaw hnungin average in 24 hours sûngin mi 13, 988 antling a nih. Mi tamtak ngaiven le en hlak a ni ti a sukchieng hlê. A video a changkang a, shooting na hmun hin mit a suktlai hlê bawk, hieng popo baka a ṭhatak chu a hlathu mawl hi a nih. Tulai lem chuh nitin vêl sawm chuong a hla/video hi ka ngai/en zie hlâk.
Hei hian i inhnem ang, Awle…ih e ih e hei hian a chhawk ang che tiin a bul a hung inṭan a, thlûk mawitak le rawl ngaino bei takin sûngril fang ngawi ngawi thei khawpin a hung sak ṭan a.
Kan taksa a mawi thei e,
Abikin kei hlie hlie in ka hlawkpui hle. A Testimony hai mawl kha a ropui hlê, chona nasatak a mi pêk. Pathien in mi a hmanghai hrim hrim hi Krista leia mani inhnawl le mani hringnun lo invuiliem an ni vawng. Dwight L. Moody (William R. Moody. The Life of Dwight L. Moody, New York: Wildside Press, 2013) dam kha khawvêl hriet a thuhriltu ropui le Krista hnungzuitu mi suongum a nih. Moody in hieng hin a ti "...Pathien ropuina dingin miin iengkim chân huom in a thawzet naw chun Pathien thilthaw ropuitak anlang ngai nawh" tiin a lo hril. A naupa William R. Moody in a chanchina ziekna a hin apa D.L.Moody in Krista leia tuor an huomzie le a theina popo sawrkang a nuom zie hai a zieklang. Billy Graham (Billy Graham. Just as I Am. San Francisco: Zondervan, 2007) Khawvêl thuhriltu ropui le mihriem 80 million neka tam hmaa (in person) Krista chanchinṭha puongsuoktu le mi tamtak thlakdanglamtu hringnun dam hi hriet le tiem nghawk a um naw ngei de! "... ka thuok tawpchen in Pathien hmangaina thu hi khêkpui pei ka tih, Pathien in a mi ko a, ami kotu Pathien in thuril le rawngbawl tawp dinga ami ti hmakhat sunzawm pei ka tih, hratna ka nei sûng phawt, Pathienin hun ṭha mi pêk sûng phawt Evangelist sin hi ka dam san a nih" a ti tawp el. Krista Pasalṭha niin 21 February, 2018 khan ringumtaka a rawng a i bawl Lalpa kuomah a lo chawl hadam tah. William Carey (Janet and Geoff Benge. Christian Heroes: William Carey. Seattle: YWAM, 2011) Father of the Modern Mission tia ko hiel khawpa mani invuiliem a India rama Krista rawngbawltu ringum chun hieng hin a ti "Hieng harsatna le beidawngna hai hi kan tading chun thina hlim varuom ang an nia, ka lungril inthuktak chun bawpel chu kan hâwk em em, ka tadinga ka ruolṭha neisun chu hieng harsatna hai hi an ni el sia, amiruokchu a mi sandam le hmangaina a sip Pathien chu ka kuomah a um si a” tiin a rawngbawlnaa harsatna sûmpui in a bawm laia a zieksuok a nih.
Charles Spurgeon, Prince of Preacher ti hiel khawpa thuhriltu ropui meu khawmin Krista hnungzui ding hin chu mani inhnawla inngaitlawmna nun nei hi thil pawimaw tak a ni a tih.
THINLUNG A THLÎR ZAWK ṬHIN E, ti hla hi 31 December, 2018 khan Valalsailova Channel a upload a ni a, ei thuziek chen hin hi video entu mi 833, 762 (ni 54 sûng) antling tah. A video trend hi hrietchiengna dingin zan dar 12 in a view umzat kan chîka, a zan nawk a darbi pângngai bawka ka ennawk a chuonga zan hni ka thaw hnungin average in 24 hours sûngin mi 13, 988 antling a nih. Mi tamtak ngaiven le en hlak a ni ti a sukchieng hlê. A video a changkang a, shooting na hmun hin mit a suktlai hlê bawk, hieng popo baka a ṭhatak chu a hlathu mawl hi a nih. Tulai lem chuh nitin vêl sawm chuong a hla/video hi ka ngai/en zie hlâk.
Hei hian i inhnem ang, Awle…ih e ih e hei hian a chhawk ang che tiin a bul a hung inṭan a, thlûk mawitak le rawl ngaino bei takin sûngril fang ngawi ngawi thei khawpin a hung sak ṭan a.
Kan taksa a mawi thei e,
Kan hmel
lan dang zawng zawng pawh,
Ka silh le fen zawngte hian rual zawng a khum thei
eNunghak pathum nal le mawi fahrana incheina nâl famkim leh thuom mawitaka inchei; taksa pienken mawitaka catwalk ding ni awmtak hung inher phei hai le inmil charin hi hla tlar hi mawitakin Sailova hin a hei saka. Tulai incheina changkang tak tak Cosmetics le Surgery hmanga taksa siemmawi na le hmel sukṭhatna hieng facial makeover, liposuction, rhinoplasty le hmangruo hieng Artistry, Estee Lauder, Chanel, Mary Kay hai thaw/hmang hnung lem hin chu sietna ding um talo ding khawpa ṭha anni tawl. Thuomhnaw tieng hlak a nal thei patawpa inchei vawng ei ni ta. A ṭhen lem hi chu gravitational force neka hipna ṭhalem nei thei hiela langsar ei tam tah. Ieng angin ei taksa mawiin, ei hmel inlang dana mi neka ṭha le mawi, sil le fen a mitamtak khum inla khawm ei nei ding tak Isu Krista ei nei si naw chun teplo el chu an nih. Ei Pathien ruok chun puotieng mawina nekin sûngril a en lem si a, ei lungril a thlîr lem hlak leiin nei ding tak neiloa puotieng mawitak um el hi chu thlân râwng nâl var (cheimawi) a sung ruok chu kawrawng le ṭawp tak a ni el a nih.
Krista neitu hai ruok chu hi khawvêl a hin ro sum le pai ah, mi phâk lovin, ruol le pai ei phâk naw thei, sienkhawm nei ding tak Krista nei an ni leiin an thlarau a hausa a nih. Sungril en hlaktu Pathien chun a mi hmu mawi êm êm thung a nih.
Mi tamtak chun hmu ding tak Krista an hmu naw leiin khawvel hmu dana ngirhmun insang le ropui angin inlang de hlak hai sienkhawm, an sungril a ruok chu hlimna le muongna in a ṭinsan an tam êm êm a nih. Krista an nei naw leiin mi tamtak tawpna chu a tuihnai ngai naw a, inhnar an um ngai bawk nawh. Krista boa khawvêl a tlan hai hrim hrim chun lungawina famkim an hmu ngai naw a, an nuom neka tam ro sum le pai hmu in; hmingthangna nei hai sienkhawm Krista an nei naw leiin, an sungrila thlamuongna an nei nawh. Chuonghai chu khawvêl tukver a inthawk mî ngaisâng le inhnar um angin um hlak hai sienkhawm mi lungsietum an nih.
Khawvêl in a mamaw tak chu Krista mawl hi a nih. Ama chu ṭhuoitu ṭha mani ṭhuoihruoihai le anchuktirhai ngei khawm, anke sawp pek thei khawpa mi inngaitlawm le suok lungril put a ṭhuoitu ropui a nih. Mi hai tadingin malsawmna a ni a, harsatna le phurrik intluntu a ni ngai nawh. Amaa chun taksa le thlarau damna a um. Ama chu hnuoi le van Lalnau a nih. Mi rimsi le pasiehai tadinga suokna thu antlun a, mi riengvaihai le mi hnuoihnunghai dawmkangtu a nih. Ama naw chun tukhawm Pa antlung theinaw a, Seol natna damdawi chu ama chau a nih. Khawvêl hin hlimna, lawmna le thlamuongna zawngin tlan hlak sienkhawm Krista an nei naw chun anthil zawng chu hmu a ni ngai nawh. Thlamuongna Krista zawngtu le ko taphawt hai an insir ngai nawh. Mîn khawvêl hi a pumin nei sienla, a hringna chân si sienla, ieng am ṭhahnem a ta? (Mk.8:36) Chuleiin, Thlamuongtu Krista ko in zawng lem ei tieu khai. Tiemtu dittak i lungril kha Krista inhlan raw leh.
Amen
.jpg)
.jpg)