FCRA

 The Foreign Contribution (Regulation) Amendment Bill, 2026

Hi Bill ditnaw leiin National Council of Churches in India (NCCI) le The Catholic Bishops' Conference of India (CBCI) bâka Evangelical Fellowship of India (EFI)chun June 28 (Pathienni) hi Day of Prayer a hmang dingin thu anlo suksuok tah. 

Chuleiin, theitâwpa ṭawngṭainaa hin ei ṭhang a pawimaw in, Pathien ei buon nasa hlê a ṭul a nih. 

FCRA chu iem a na?

Ramdanga inthawk sum hung lût khuokhirna le enkawlna dân a nih. 

FCRA chanchin timeline 

1. 1976 Emergency huna Indira Gandhi PM a ni laia dân siem ṭana um a nih. 

2. 1984 in 1st Amendment 

3. 2010 in New FCRA tiin a hlui thlâk a nih.

4. 2020 in Amendment tenau iemani zât nei nâwk a nih. 

March 25, 2026 khan Ministry of Home Affairs in Lok Sabha-a FCRA Amendment Bill 2026 phar a nih. 

June 23, 2026 khan FCRA Amendment Rules 2026 ti suksuok nghâl a nih. 

Rajya Sabha-a phar a la ni hman nawh. 

FCRA Amendment Bill 2026 hin iem a amendment ding

Foreign Contribution (Regulation) Act, 2010 siemṭhat le sukdanglam a tum tak a nih. 

FCRA Amendment Bill 2026 hin Kristienhai iengtin am a mi nghawng ding

1. Kohran rawngbâwlna- Inchûkna, Hospital le Ramthim (Missions) hai suktâwp theina bâka hienghai po po sawrkar-a thuneina le enkawlna sawn theina- Permanent Vesting and Disposal.

2. Kohran ram le building hai lâkpêk theina-Designated Authority.

3. FCRA fe thlenga sum lût po po - pasietna dawmkângna ding dâm, Hospital dâm, ram sukhmasâwnna dâm chân theina - Freeze Assets. 

4. Hnam hnuoihnung Dalit le Tribal ta dinga hnengdena le sirdena hmangruo a ni ding.

5. Tlâwm lemhai Minorities abîkin Kristienhai sirbetna, hnawchepna hmangruo nîng a ta. An chanvo le indikna palzûtna ni bawk a tih.

6. India rama FCRA fe thlenga ṭhangpuina sumhai hrim hrim sakhuo inletna (conversion) a hmang theilo/thienglo ding an tina ang tluk a nih. 

7. Rawngbâwlna abîkin Ramthim/Ramthar ah harsatna lientak ei tuokna Bill a ni ding.

8. Kohran hmasâwnna dinga hmalâkna hrim hrim Sustainable Development Goal (SDG) nasatakin nghawng a nei ding. 

9. Christian NGO-Hospital, Charity, School, Humanitarian Activities a nghawng na hlê ding a nih. 

Hi Bill FCRA Amendment Bill 2026 hi sawrkar laipui cheltu Lotus pâr hai hin India ram hi Hindutva-ah a siemna dinga sirbi pakhata hmang chu a keivirtu tak a nih. Sakhuo danga inlet (conversion) suktâwp a ni theina dingin, hi durbin hmang hin dân an duong pei ding a nih. 

Lotus Pâr hai thiltum chu ieng dang a ni nawh; Mother India-Bharat Mata- mother goddess-a annei - feminine goddess (Shakti) a ram leilung hi Bharat Mata ta ding vawng a ni ti hi an ngirna a nih.

Bharat Mata dinga development po po an thawhai hi an pathien shakti (Devi,Durga, Saraswati, Lakhsmi) ta dinga thaw anni leiin an thaw nasa hrim a nih. 

India ram pumpui a tlâng le muol, vadung le ngawpui-hai hi a thienghlim a ni tiin Kshetra an tih. 

Chu ram ta ding chun Desh Bhakti anti a, ram hmangaia ram ta dinga sinthaw chu an thiltum(goal) lientak a nih.

2/3 Majority NDA in a nei ṭep tah. AAP party a inthawk MP 7 in BJP anlo zawm taa. TMC an awi mêk bawk, MP 20 ruol inkau zinga um an nih.