"𝙀𝙣 𝙩𝙖 𝙪, 𝙋𝙖𝙩𝙝𝙞𝙚𝙣 𝘽𝙚𝙧𝙖𝙢𝙩𝙚 𝙠𝙝𝙖𝙬𝙫𝙚𝙡 𝙨𝙪𝙤𝙡 𝙛𝙚𝙥𝙪𝙞𝙩𝙪 𝙙𝙞𝙣𝙜 𝙨𝙖𝙬! (𝙅𝙣. 1:29)
𝘑𝘰𝘩𝘯𝘺 𝘓𝘢𝘭𝘥𝘪𝘯𝘵𝘩𝘢𝘳 𝘍.𝘛𝘶𝘴𝘪𝘯𝘨
18𝘵𝘩 𝘈𝘱𝘳𝘪𝘭, 2019
Pathien Berâmte ti hi Judahai lungrila inlang hmasatak ding chu Fekân Ruoiṭhe a beram (Exo.12) suol inthawina dinga nitin-a an i hmang hlak a ni ngei ring a um. Baptistu Johan hin inthawina dinga beram aia Isu Krista chuh inthawina famkim a ni zie chieng takin a suklang. Berâm chu (nitin) zingtieng le zantieng zâtin suol inthawina dinga pumrawhmang thilinhlan ani zie ding thu Exo.29:38-42 ah ei hmuh. Isai 53:7 a ‘Isu Krista Messia chu beram inthawinaa hmang hlak a bau khawm ka loa suol intlantu a ni ding’ thu a lo hrillawk diem.
Khawvêl suol fepuitu a ti hin Hnam khat Judahai suolna chau a kawknaw a, khawvêl hnam tin mitin a hrilna a ni leiin anthûk hlê a nih. Hi taka ‘fepuitu’ ti hi a ṭawngbul tieng chun ‘αἴρων’ [airon] ti a ni a, ‘la hmangtu/phur hmangtu’ ti thei a nih. Airon hi Hebrai a כָּפַר [kaphar] le thuhmun ‘intlengfai’ amani ‘suol lakhmang’ ti le hrilkawp thei a nih. (New American Commentary, Volume 25A - John 1-11: 2001)
Johan 1:29 hi Thuthlung Hlui a Fekân ruoiṭhe a lo hrilna; a tak ngeia Pathien in a sukuitlingna a nih (Word Biblical Commentary, Vol. 36, John: 1999). Jerusalem a hin Fekân ruoiṭhe hmang dingin khuolzin tamtak khawvêl hmuntin a inthawk an fekhawm hlak. Judahai historian Josephus chun ‘Fekân ruoiṭhe a hin beram inthawina dingin 250,000 (quarter million) neka tam anthat zie hlak’ a tih. John MacArthur chun ‘Beram pakhat chu mi 10 vêl pei angin hisap ta ang inla Fekân Ruoiṭhe a ṭhang mihriem pungkhawm chu a tlangpuiin mi nuoi 25 a’nthawk 30 (25-30 lakhs) ang vêl an nih’ a tih. Rom Bawrsap Pontius Pilate ngei khawm kha Fekan Ruoiṭhe huna hin Jerusalem a hung hlak ti a nih. Hi lei hin a ni Isu sukhlum dinga in inrawn lai khan "Ruoiṭhe sûng chu ni naw sien la, chuong naw chun vântlâng lai buoina hung um rawi a tih," an ti nasan chuh. Scholar ṭhenkhat chun hieng hin an hril ‘beram hieng zozai hi dan naranin 14 Nisan (Exo.12:6) zantieng nisa tlak (charin) anthawk ṭana darkar hni sûnga inzo ding a ni leiin thiempu 600 in minute 1 peia beram 4 that a ṭul hlak, mi pahni bakin beram pakhat chu temple s<nga an hung chawi ding a ni naw ti a ni leiin temple tuol chu mipui le beram anso vung vung hlak’. Fekân ruoiṭhe a beram inthawina leia thisen suok chu a ṭhahnem hlê hlaka, Kidron vadung a luonglutin ni iemani chen a sen nguoi nguoi hlak. Chuong ang lawma thisen suok rawn le hau intak suol inthawina chun suol intlanna tak tak antlun ngainaw a, ran thisen taphawt khawm inthawinaa hmang thei a ni bawk nawh…Bâwngchalhai le kêlhai thisen chun suolhai sukbo thei ruol a ni si nawh a (Heb.10:3-4). Hi taka hin beram danglamna ei hmu, beram thisen chu suol inthawina famkim inentirna a hmang alo nih. Fekan ruoiṭhe a chun ran thisen dang hmang loa beram thisen ngei hmang hlak a nih (Exo.12:3ff). Fekân ruoiṭhea ṭhang lo chu a chipuihai laia inthawk sâtthlâk nîng a ta; a hunbia LALPA kuoma thilinhlân chu ân hlân naw leiin ama chun a suol maw chu phur a tih (Num.9:13).
Beram thisen a inthawi ve lo hai chu sâtthlak pei an ni ding si a, a hau a va’n tak ngei de!! Hi lei tak hin Baptistu Johan chun ran thisen inthawina popo fe/hmu khêlin thisen thienghlim, thisen ropui le mak inthawina tak tak chuh ‘Pathien Berâmte khawvêl suol fepuitu ding saw’ a lo ti chuh.
Tirko Paula chun Fekân Ruoiṭhe a beram thatin an um hlaka chu thisen lei chun Israelhai intlan le sansuok anni angin Isu Krista chu Pathien beramte thata um, a nâka thisen suok ngei chun khawvêl suol intlan a ni zie chieng takin a hril. “Ei Fekân Ruoiṭhena ding khawm an that ta sih a, Krista ngei chu” (1 Cor. 5:7) tiin.
𝐏𝐚𝐭𝐡𝐢𝐞𝐧 𝐁𝐞𝐫𝐚𝐦𝐭𝐞 𝐈𝐧𝐭𝐥𝐚𝐧𝐧𝐚
Isu Krista chu Fekân Ruoiṭhe beram chunghnungtak a ni leiin Pathien beremte ti a nih (Baker Exegetical Commentary on the New Testament; 2004). Fekân Ruoiṭhe chu Israelhai in Mosie rawia Aigupta an fesuok ding tawma Isu pieng hma kum 1500 hmai daia anhmang ta anih. Ser le sâng (ruoiṭhe) laia chu a upatak a ni a, dân pêk hma, Juda ruoiṭhe dang popo um hmaa mi a nih. Hi chau a ni nawh, Thiempu, bawkte in, Mosie inthawina dân hai popo um hma daia Pathien thupêk a nih. Chuleiin Fekân Ruoiṭhe hi an ngaihlu in an ngaipawimaw hlê.
Anchuktir hai leh Pindan chunghnunga Fekân ruoi ankîl zo chun Hla ansaka (an hlasak hi Psalm 118 inpâna hla- Hymn of Hallel hi ni ngei dinga ring a nih) chu zoa Olive tlanga an fea, Gethsemane ah a ṭawngṭai thu ei hmuh. Gethsemane hi olive thing tamtak umna huon a nih. Tuchen hin Olive thing upatak tak iemanizat an la ngir zing. Olive thing hi dan naranin an dam hun sung hi kum 500 -1500 inkar anni tlangpui, a ṭhen chu kum tamtak dam khawm an um nuol. National Research Council of Italy hai hril dan chun ‘Gethsemane huona hin Olive thing kum 2000 nêka upa dâm anla um’ an tih. Hieng Olive thing hai hin ‘kha zan lungngaithlak taka Isu man ani khan ṭawngloa hriepuitu (mute witness)’an nih.
Gethsemane a khan Isu in 'intlanna vawrtawp' a hun a tlung tading a hrietchieng em em a, man in um a ta, hekna nasatak tuok a ta, hmusitna, deusawna le vuokna rapthlak tak tuokin Kross lera muolpho taka khaikhâng a ni ding a hrietchieng em em. Lungngaina ivurkhumah um in Isu'n a chunga thil tlung ding po po chu a hriet zing a (Jn.18:4). Isu kha mihriem nina famkimna nei a nia- a chau ve thei (Jn.4:4; Mk.4:38), a phieng a ṭâm (Mt.21:18), a dang a châr (Jn.4:7; 19:28), a ṭap/ lungngai (Jn.11:35; Lk.19:41), a lung a sen (Jn.2:15-17). Bible a hin a hlimna le lawmna nek hmanin a lungngaina le lungzingna tieng hi a hril uor lem. Isu kha mi hlim theilo tak a nih tina chu a ni nawh. Mihriem nina famkim nei ni zing sienkhawm suolna neilo a nia, mihriem hai le ei indanglamna chu suolna thua chau a nih. Gethsemane a khan Krista lungngaina inthukzie kha a namen naw hlê. Mihriem tuok ding chun a taluo deu a nih, iengtin am a tia, “Ka lungril a lungngai bêk bêk a; thina khawp rau a nih”, sienkhawm a mi’n tlanna ding chun fethleng a ngai sia.
Gethsemane huonah khan a bawkkhup a, "Aw Pa, a thei chun, hi no hin mi khêl hrâm raw se; nisienlakhawm, keima thu ni loin, nangma thu thu ni lem raw se," tiin a ṭawngṭai a. Hi no (cup) hi iem ning a ta? Thina satlie el chu a ni naw tawp el. Kross lera a taksa tuorna kha chu a ni naw tawp, vuokna invuol, hmusitna le deusawna khawm an naw. Dangcharna tawpkhawk, thirkilna len tak tak hai a taksaa hemlut hai khawm kha annaw. Hieng taksa tuorna popo neka nasa le inthuklem chu a ni ngei el. Hieng hai popo hi chu ṭi lo dinga a ti an ni sia “… ka ruolhai, ka hril cheu hi, taksa sukhluma, chu hnunga iengkhawm thaw nâwk thei ta nawhai chu ṭi naw ro” (Lk. 12:4)
Amiruokchu, tû am in ṭi ding hril lâwk ka ti cheu; a sukhlum hnung khawma Hremhmuna pei theina thuneitu chu ṭi ro; anih, ka hril cheu hi, ama mawl chu ṭi ro(Lk.12:5). Krista in no (cup)- Aw Pa, a thei chun, hi no hin mi khêl hrâm raw se a ti hi ṭi tak chu a nih chu chu iem a nia- Pathien lungsenna bunthlaka um apa a inthawka a tuor ding mawl chu a nih. Krista chu Pathien beramte khawvêl suolna popo fepui/lakhmang/fenhmang tu ding a ni leiin a phur a rik bêk bêk a nih.
Thuthlung Hluia khawm no hin Pathien lungsenna a lo in entir rawp hlak. Isai 51:17 “LALPA kuta inthawka a lunginsenna noa mi dâwntunu…” Jer.25:15-16 “LALPA chun ka kuomah hienghin a ti sih a, hi lunginsenna no ka kuta hi la la, hnam an kuoma ka tirnahai po po che chu indâwntir tâwl rawh…” No (cup) hin Pathien lungsenna leia misuolhai ansuolna leia andawn luitirna rorelna(judgment) ei hmuh. Zawlnei lekhabua a hai khawm hieng ang in entirna tamtak hmu ding a um.
Dr. Luka chun medical tienga lungngaina tawpkhawk hrilna ‘hematidrosis’ (mihriem lungngaina tawpkhawk-heavy emotional distress leia thiltlung) hrilna in hieng hin a ziek “Chun, a lung ân rim bêk bêk leiin ṭhahnemngai nâwk zuolin a ṭawngṭai a, a thlan chu thi far lientak angin, hnuoiah a zuk far a,’” a lungngai hlê ani ti ei hriet thei. Isu khan khawvel tuorna le natna kha Kross a khan a ṭi der naw, mihriem hmaa ien ang mi khawm nisien a zâm naw hrim hrim, pên khat khawm ansawn naw a nih. Bawrsap Pilate hmaa khawm ṭitna le zâmna a nei der nawh. Pilatin a kuomah, "Chu lal i ni am a nih?" a ta. Isu'n, "Lal ka nizie i hril zing chu. Thutak inhriettir hi ka pieng san le khawvêla ka hung san a nih. Tukhawm thutaka mi taphawt chun ka thu an pawm hlak," a ta. Amiruokchu, Hebrai ziektu chun “mi tamtakhai suol fepui” (Heb.9:28) a ni ding leiin Pathien lungsenna vawrtawp chu amaa a tlu ding leiin kha no khan khêl hram sien a tia sienkhawm ama thu ni lem loin apa thu thu ni lem dingin a ti a nih.
Isai 53:10 a chun “Nisienlakhawm, LALPAIN ama chu vuok thiduk a (𝐬𝐮𝐤𝐥𝐚𝐰𝐦) nuom hrim a nih; a sukna ta ngei a… LALPA dit zâwng (𝐬𝐮𝐤𝐥𝐚𝐰𝐦) chu a kuta hlawtlingin um a tih.” Kross lera khaikhang a ni khan mi popo suol a phur a, mi popo ai chun Pathien lungsenna chu a tuor ta lem a nih. 2 Cor.5:21 chun “Amaa chun Pathien felna ei hung ni theina dingin suol hrim hrim hre lo chu Pathienin eini leiin suolah a siem a” a ti a nih. Kross a khan ‘…ama ngeiin a taksain thinga khan ei suolhai a phur a, ama vuokna invuolhai chun sukdamin in um tah a. ( Pet.2:24).
Suol man chu Pathien lungsenna vawrtawp a tlung ngei ding a nia sienkhawm Isu Krista in ama thisen ngeiin intlanna sin a hung thawa, khawvêl suol chu a fepui ta lem a, a famkimin suol man chu a pektlak ngei ti in entirna dingin- A kin Tah (τετέλεσται TETELESTAI-PAID IN FULL/FINISHED) tiin Isu’n rawl inringtakin a khêk a, rinum ti taka a tuor leiin, "𝐄𝐥𝐢, 𝐄𝐥𝐢 𝐥𝐚𝐦𝐚 𝐬𝐚𝐛𝐚𝐤𝐭𝐡𝐚𝐧𝐢𝐡?" tiin a khêk suok a. (Chu chu, "𝐊𝐚 𝐏𝐚𝐭𝐡𝐢𝐞𝐧, 𝐤𝐚 𝐏𝐚𝐭𝐡𝐢𝐞𝐧, 𝐢𝐞𝐧𝐠𝐝𝐢𝐧𝐠𝐚 𝐢 𝐦𝐢 𝐦𝐚̂𝐤𝐬𝐚𝐧?" Hi Kross lera Isu lungngaina khek rawl insuo hin no (cup) pêk leia a khêk hin a rinumzie a tarlang.
𝐓𝐡𝐮𝐤𝐡𝐚̂𝐫𝐧𝐚
R.C.Sproul chun “Ei suolna leia Pathien lungsenna chu ei nia bunthlak loin Isu Krista in a tuor muolsuo a nih” a tih. Tiemtu dittak, Kum tin Good Friday ei hmang zie hlaka, khawvêl leilung inher leia a hun a hung tlung nawk ang mei mei anga ei ngai a ni chun a pawi ding a nih. Krista mi’n tlanna le ei tadinga a tuorna hi inthuk takin ei sût le suinawn hi thil pawimaw tak a nih. Krista hung nasan tak le suol inthawina famkim a ni zie hi hrie thar seng inla nuom a um takzet.
Ei suolna leia chatuon hrem hmabak hai a mi’n tlanna lampui, a hraw hai hi a lo va rapthlak ngei de aw. Ei damna dingin lungaina vawrtawp in a um a, vuok thidukin a um a, hmusit le deusaw takin chil sak khumin a um a. Ei hringna dingin Kross putin Tuorna lampui/Lungngaina lampui (Via Dolorosa "Way of Grief" or "Way of Suffering.") a khan vêl tam a tlukpui a nih. Chatuon damna ei nei theina dingin Pathien lungsenna chu amaa vurkhumin Kross lera rinumtaka tuorin, muolpho taka khaikhangin khengbet a nia, nang le kei ei suolna leiin Ka Pathien, ka Pathien, iengdinga i mi mâksan? ti khawp rauin a rawl insuoin khawvêl suol alo fepui tah. Pathien nina neia um zing ni sien khawm, Pathien tluka um zing chu, tum lui tlat dingah a ngai nawh a, mihriemhai anga hung insiengin, suok angin ân siem a, ama le ama ân suktlâwm ta lem a, mihriem anga hung umin ân ngaitlâwm a, thi khawp raka thu zâwmin a lo um tah a, krawsa a thina ngei chu.
Tiemtu dittak, Isu Krista chu lungngaina vawrtawp ivurkhumah um in Aw Pa, a thei chun, hi no hin mi khêl hrâm raw seh tiin a ṭawngṭaia, sienkhawm ei suolna hai lei leh a mi hmangai êm leiin nisienlakhawm, keima thu ni loin, nangma thu thu ni lem raw se tiin Khawvêl suol a lo fepui tah. Good Friday hin Krista tuorna le ami hmangaina hruihruol hin mi khit sien ei nuom thu chaua hringnun hmangtu ni lem loa nangma thu thu ni lem raw se ti thei dingin a hnung rinumtakin zui dingin inpêkna thar, ngaituona thar le lungril tharin Krista thisen thienghlimin mi sukhrat thar seng raw seh.
𝘼𝙈𝙀𝙉.
𝘑𝘰𝘩𝘯𝘺 𝘓𝘢𝘭𝘥𝘪𝘯𝘵𝘩𝘢𝘳 𝘍.𝘛𝘶𝘴𝘪𝘯𝘨
18𝘵𝘩 𝘈𝘱𝘳𝘪𝘭, 2019
Pathien Berâmte ti hi Judahai lungrila inlang hmasatak ding chu Fekân Ruoiṭhe a beram (Exo.12) suol inthawina dinga nitin-a an i hmang hlak a ni ngei ring a um. Baptistu Johan hin inthawina dinga beram aia Isu Krista chuh inthawina famkim a ni zie chieng takin a suklang. Berâm chu (nitin) zingtieng le zantieng zâtin suol inthawina dinga pumrawhmang thilinhlan ani zie ding thu Exo.29:38-42 ah ei hmuh. Isai 53:7 a ‘Isu Krista Messia chu beram inthawinaa hmang hlak a bau khawm ka loa suol intlantu a ni ding’ thu a lo hrillawk diem.
Khawvêl suol fepuitu a ti hin Hnam khat Judahai suolna chau a kawknaw a, khawvêl hnam tin mitin a hrilna a ni leiin anthûk hlê a nih. Hi taka ‘fepuitu’ ti hi a ṭawngbul tieng chun ‘αἴρων’ [airon] ti a ni a, ‘la hmangtu/phur hmangtu’ ti thei a nih. Airon hi Hebrai a כָּפַר [kaphar] le thuhmun ‘intlengfai’ amani ‘suol lakhmang’ ti le hrilkawp thei a nih. (New American Commentary, Volume 25A - John 1-11: 2001)
Johan 1:29 hi Thuthlung Hlui a Fekân ruoiṭhe a lo hrilna; a tak ngeia Pathien in a sukuitlingna a nih (Word Biblical Commentary, Vol. 36, John: 1999). Jerusalem a hin Fekân ruoiṭhe hmang dingin khuolzin tamtak khawvêl hmuntin a inthawk an fekhawm hlak. Judahai historian Josephus chun ‘Fekân ruoiṭhe a hin beram inthawina dingin 250,000 (quarter million) neka tam anthat zie hlak’ a tih. John MacArthur chun ‘Beram pakhat chu mi 10 vêl pei angin hisap ta ang inla Fekân Ruoiṭhe a ṭhang mihriem pungkhawm chu a tlangpuiin mi nuoi 25 a’nthawk 30 (25-30 lakhs) ang vêl an nih’ a tih. Rom Bawrsap Pontius Pilate ngei khawm kha Fekan Ruoiṭhe huna hin Jerusalem a hung hlak ti a nih. Hi lei hin a ni Isu sukhlum dinga in inrawn lai khan "Ruoiṭhe sûng chu ni naw sien la, chuong naw chun vântlâng lai buoina hung um rawi a tih," an ti nasan chuh. Scholar ṭhenkhat chun hieng hin an hril ‘beram hieng zozai hi dan naranin 14 Nisan (Exo.12:6) zantieng nisa tlak (charin) anthawk ṭana darkar hni sûnga inzo ding a ni leiin thiempu 600 in minute 1 peia beram 4 that a ṭul hlak, mi pahni bakin beram pakhat chu temple s<nga an hung chawi ding a ni naw ti a ni leiin temple tuol chu mipui le beram anso vung vung hlak’. Fekân ruoiṭhe a beram inthawina leia thisen suok chu a ṭhahnem hlê hlaka, Kidron vadung a luonglutin ni iemani chen a sen nguoi nguoi hlak. Chuong ang lawma thisen suok rawn le hau intak suol inthawina chun suol intlanna tak tak antlun ngainaw a, ran thisen taphawt khawm inthawinaa hmang thei a ni bawk nawh…Bâwngchalhai le kêlhai thisen chun suolhai sukbo thei ruol a ni si nawh a (Heb.10:3-4). Hi taka hin beram danglamna ei hmu, beram thisen chu suol inthawina famkim inentirna a hmang alo nih. Fekan ruoiṭhe a chun ran thisen dang hmang loa beram thisen ngei hmang hlak a nih (Exo.12:3ff). Fekân ruoiṭhea ṭhang lo chu a chipuihai laia inthawk sâtthlâk nîng a ta; a hunbia LALPA kuoma thilinhlân chu ân hlân naw leiin ama chun a suol maw chu phur a tih (Num.9:13).
Beram thisen a inthawi ve lo hai chu sâtthlak pei an ni ding si a, a hau a va’n tak ngei de!! Hi lei tak hin Baptistu Johan chun ran thisen inthawina popo fe/hmu khêlin thisen thienghlim, thisen ropui le mak inthawina tak tak chuh ‘Pathien Berâmte khawvêl suol fepuitu ding saw’ a lo ti chuh.
Tirko Paula chun Fekân Ruoiṭhe a beram thatin an um hlaka chu thisen lei chun Israelhai intlan le sansuok anni angin Isu Krista chu Pathien beramte thata um, a nâka thisen suok ngei chun khawvêl suol intlan a ni zie chieng takin a hril. “Ei Fekân Ruoiṭhena ding khawm an that ta sih a, Krista ngei chu” (1 Cor. 5:7) tiin.
𝐏𝐚𝐭𝐡𝐢𝐞𝐧 𝐁𝐞𝐫𝐚𝐦𝐭𝐞 𝐈𝐧𝐭𝐥𝐚𝐧𝐧𝐚
Isu Krista chu Fekân Ruoiṭhe beram chunghnungtak a ni leiin Pathien beremte ti a nih (Baker Exegetical Commentary on the New Testament; 2004). Fekân Ruoiṭhe chu Israelhai in Mosie rawia Aigupta an fesuok ding tawma Isu pieng hma kum 1500 hmai daia anhmang ta anih. Ser le sâng (ruoiṭhe) laia chu a upatak a ni a, dân pêk hma, Juda ruoiṭhe dang popo um hmaa mi a nih. Hi chau a ni nawh, Thiempu, bawkte in, Mosie inthawina dân hai popo um hma daia Pathien thupêk a nih. Chuleiin Fekân Ruoiṭhe hi an ngaihlu in an ngaipawimaw hlê.
Anchuktir hai leh Pindan chunghnunga Fekân ruoi ankîl zo chun Hla ansaka (an hlasak hi Psalm 118 inpâna hla- Hymn of Hallel hi ni ngei dinga ring a nih) chu zoa Olive tlanga an fea, Gethsemane ah a ṭawngṭai thu ei hmuh. Gethsemane hi olive thing tamtak umna huon a nih. Tuchen hin Olive thing upatak tak iemanizat an la ngir zing. Olive thing hi dan naranin an dam hun sung hi kum 500 -1500 inkar anni tlangpui, a ṭhen chu kum tamtak dam khawm an um nuol. National Research Council of Italy hai hril dan chun ‘Gethsemane huona hin Olive thing kum 2000 nêka upa dâm anla um’ an tih. Hieng Olive thing hai hin ‘kha zan lungngaithlak taka Isu man ani khan ṭawngloa hriepuitu (mute witness)’an nih.
Gethsemane a khan Isu in 'intlanna vawrtawp' a hun a tlung tading a hrietchieng em em a, man in um a ta, hekna nasatak tuok a ta, hmusitna, deusawna le vuokna rapthlak tak tuokin Kross lera muolpho taka khaikhâng a ni ding a hrietchieng em em. Lungngaina ivurkhumah um in Isu'n a chunga thil tlung ding po po chu a hriet zing a (Jn.18:4). Isu kha mihriem nina famkimna nei a nia- a chau ve thei (Jn.4:4; Mk.4:38), a phieng a ṭâm (Mt.21:18), a dang a châr (Jn.4:7; 19:28), a ṭap/ lungngai (Jn.11:35; Lk.19:41), a lung a sen (Jn.2:15-17). Bible a hin a hlimna le lawmna nek hmanin a lungngaina le lungzingna tieng hi a hril uor lem. Isu kha mi hlim theilo tak a nih tina chu a ni nawh. Mihriem nina famkim nei ni zing sienkhawm suolna neilo a nia, mihriem hai le ei indanglamna chu suolna thua chau a nih. Gethsemane a khan Krista lungngaina inthukzie kha a namen naw hlê. Mihriem tuok ding chun a taluo deu a nih, iengtin am a tia, “Ka lungril a lungngai bêk bêk a; thina khawp rau a nih”, sienkhawm a mi’n tlanna ding chun fethleng a ngai sia.
Gethsemane huonah khan a bawkkhup a, "Aw Pa, a thei chun, hi no hin mi khêl hrâm raw se; nisienlakhawm, keima thu ni loin, nangma thu thu ni lem raw se," tiin a ṭawngṭai a. Hi no (cup) hi iem ning a ta? Thina satlie el chu a ni naw tawp el. Kross lera a taksa tuorna kha chu a ni naw tawp, vuokna invuol, hmusitna le deusawna khawm an naw. Dangcharna tawpkhawk, thirkilna len tak tak hai a taksaa hemlut hai khawm kha annaw. Hieng taksa tuorna popo neka nasa le inthuklem chu a ni ngei el. Hieng hai popo hi chu ṭi lo dinga a ti an ni sia “… ka ruolhai, ka hril cheu hi, taksa sukhluma, chu hnunga iengkhawm thaw nâwk thei ta nawhai chu ṭi naw ro” (Lk. 12:4)
Amiruokchu, tû am in ṭi ding hril lâwk ka ti cheu; a sukhlum hnung khawma Hremhmuna pei theina thuneitu chu ṭi ro; anih, ka hril cheu hi, ama mawl chu ṭi ro(Lk.12:5). Krista in no (cup)- Aw Pa, a thei chun, hi no hin mi khêl hrâm raw se a ti hi ṭi tak chu a nih chu chu iem a nia- Pathien lungsenna bunthlaka um apa a inthawka a tuor ding mawl chu a nih. Krista chu Pathien beramte khawvêl suolna popo fepui/lakhmang/fenhmang tu ding a ni leiin a phur a rik bêk bêk a nih.
Thuthlung Hluia khawm no hin Pathien lungsenna a lo in entir rawp hlak. Isai 51:17 “LALPA kuta inthawka a lunginsenna noa mi dâwntunu…” Jer.25:15-16 “LALPA chun ka kuomah hienghin a ti sih a, hi lunginsenna no ka kuta hi la la, hnam an kuoma ka tirnahai po po che chu indâwntir tâwl rawh…” No (cup) hin Pathien lungsenna leia misuolhai ansuolna leia andawn luitirna rorelna(judgment) ei hmuh. Zawlnei lekhabua a hai khawm hieng ang in entirna tamtak hmu ding a um.
Dr. Luka chun medical tienga lungngaina tawpkhawk hrilna ‘hematidrosis’ (mihriem lungngaina tawpkhawk-heavy emotional distress leia thiltlung) hrilna in hieng hin a ziek “Chun, a lung ân rim bêk bêk leiin ṭhahnemngai nâwk zuolin a ṭawngṭai a, a thlan chu thi far lientak angin, hnuoiah a zuk far a,’” a lungngai hlê ani ti ei hriet thei. Isu khan khawvel tuorna le natna kha Kross a khan a ṭi der naw, mihriem hmaa ien ang mi khawm nisien a zâm naw hrim hrim, pên khat khawm ansawn naw a nih. Bawrsap Pilate hmaa khawm ṭitna le zâmna a nei der nawh. Pilatin a kuomah, "Chu lal i ni am a nih?" a ta. Isu'n, "Lal ka nizie i hril zing chu. Thutak inhriettir hi ka pieng san le khawvêla ka hung san a nih. Tukhawm thutaka mi taphawt chun ka thu an pawm hlak," a ta. Amiruokchu, Hebrai ziektu chun “mi tamtakhai suol fepui” (Heb.9:28) a ni ding leiin Pathien lungsenna vawrtawp chu amaa a tlu ding leiin kha no khan khêl hram sien a tia sienkhawm ama thu ni lem loin apa thu thu ni lem dingin a ti a nih.
Isai 53:10 a chun “Nisienlakhawm, LALPAIN ama chu vuok thiduk a (𝐬𝐮𝐤𝐥𝐚𝐰𝐦) nuom hrim a nih; a sukna ta ngei a… LALPA dit zâwng (𝐬𝐮𝐤𝐥𝐚𝐰𝐦) chu a kuta hlawtlingin um a tih.” Kross lera khaikhang a ni khan mi popo suol a phur a, mi popo ai chun Pathien lungsenna chu a tuor ta lem a nih. 2 Cor.5:21 chun “Amaa chun Pathien felna ei hung ni theina dingin suol hrim hrim hre lo chu Pathienin eini leiin suolah a siem a” a ti a nih. Kross a khan ‘…ama ngeiin a taksain thinga khan ei suolhai a phur a, ama vuokna invuolhai chun sukdamin in um tah a. ( Pet.2:24).
Suol man chu Pathien lungsenna vawrtawp a tlung ngei ding a nia sienkhawm Isu Krista in ama thisen ngeiin intlanna sin a hung thawa, khawvêl suol chu a fepui ta lem a, a famkimin suol man chu a pektlak ngei ti in entirna dingin- A kin Tah (τετέλεσται TETELESTAI-PAID IN FULL/FINISHED) tiin Isu’n rawl inringtakin a khêk a, rinum ti taka a tuor leiin, "𝐄𝐥𝐢, 𝐄𝐥𝐢 𝐥𝐚𝐦𝐚 𝐬𝐚𝐛𝐚𝐤𝐭𝐡𝐚𝐧𝐢𝐡?" tiin a khêk suok a. (Chu chu, "𝐊𝐚 𝐏𝐚𝐭𝐡𝐢𝐞𝐧, 𝐤𝐚 𝐏𝐚𝐭𝐡𝐢𝐞𝐧, 𝐢𝐞𝐧𝐠𝐝𝐢𝐧𝐠𝐚 𝐢 𝐦𝐢 𝐦𝐚̂𝐤𝐬𝐚𝐧?" Hi Kross lera Isu lungngaina khek rawl insuo hin no (cup) pêk leia a khêk hin a rinumzie a tarlang.
𝐓𝐡𝐮𝐤𝐡𝐚̂𝐫𝐧𝐚
R.C.Sproul chun “Ei suolna leia Pathien lungsenna chu ei nia bunthlak loin Isu Krista in a tuor muolsuo a nih” a tih. Tiemtu dittak, Kum tin Good Friday ei hmang zie hlaka, khawvêl leilung inher leia a hun a hung tlung nawk ang mei mei anga ei ngai a ni chun a pawi ding a nih. Krista mi’n tlanna le ei tadinga a tuorna hi inthuk takin ei sût le suinawn hi thil pawimaw tak a nih. Krista hung nasan tak le suol inthawina famkim a ni zie hi hrie thar seng inla nuom a um takzet.
Ei suolna leia chatuon hrem hmabak hai a mi’n tlanna lampui, a hraw hai hi a lo va rapthlak ngei de aw. Ei damna dingin lungaina vawrtawp in a um a, vuok thidukin a um a, hmusit le deusaw takin chil sak khumin a um a. Ei hringna dingin Kross putin Tuorna lampui/Lungngaina lampui (Via Dolorosa "Way of Grief" or "Way of Suffering.") a khan vêl tam a tlukpui a nih. Chatuon damna ei nei theina dingin Pathien lungsenna chu amaa vurkhumin Kross lera rinumtaka tuorin, muolpho taka khaikhangin khengbet a nia, nang le kei ei suolna leiin Ka Pathien, ka Pathien, iengdinga i mi mâksan? ti khawp rauin a rawl insuoin khawvêl suol alo fepui tah. Pathien nina neia um zing ni sien khawm, Pathien tluka um zing chu, tum lui tlat dingah a ngai nawh a, mihriemhai anga hung insiengin, suok angin ân siem a, ama le ama ân suktlâwm ta lem a, mihriem anga hung umin ân ngaitlâwm a, thi khawp raka thu zâwmin a lo um tah a, krawsa a thina ngei chu.
Tiemtu dittak, Isu Krista chu lungngaina vawrtawp ivurkhumah um in Aw Pa, a thei chun, hi no hin mi khêl hrâm raw seh tiin a ṭawngṭaia, sienkhawm ei suolna hai lei leh a mi hmangai êm leiin nisienlakhawm, keima thu ni loin, nangma thu thu ni lem raw se tiin Khawvêl suol a lo fepui tah. Good Friday hin Krista tuorna le ami hmangaina hruihruol hin mi khit sien ei nuom thu chaua hringnun hmangtu ni lem loa nangma thu thu ni lem raw se ti thei dingin a hnung rinumtakin zui dingin inpêkna thar, ngaituona thar le lungril tharin Krista thisen thienghlimin mi sukhrat thar seng raw seh.
𝘼𝙈𝙀𝙉.
.jpg)