Ei khingpui le ei hmelhma covid-19 a rûkin a che.
India ramah mithiemhai (scientists) hai chun taksaa natna lo beilettu immune system hratnaw hai chauin hi natna covid-19 hi anlang hlaka. India ramah hi natna hi 80% inlanglo (asymptomatic) case ei nih an tih. A damdawi hmuna dingin hun sâwttak a la aw ding niin anhril bawk.
Hi natna hrik hi chu mak vê tak a nih. Mi hràt pàngngai mi hrisel tading chun a hrik pai/kawl zing thei a nih. Hriet loa hi hri hi hun sawttak kawl thei a lo ni awm. Boruoka darkar 3-4 inkar sûng khawm la dam var var thei inkai awlsam tak ni bawk, a damdawi hmu el thei bawk lo chuh.... Iem Hril Tàng Ei Tah?
Ei taksa-a natna hrik lo beilêttu taksa sipaihai Immune System hi a hràt a ṭul hlé. Hi hràtna dingin fàk sukṭhat (fàk inbûktawk balance diet) dàm, nitina regular taka taksa insawizawi (exercise) bàka in huntawk (enough sleep) hai hi ei mamaw hlak. Hrisel nuom chun sum sèng ngailo chu nitina exer làk, mamaw tawk in (sleep) hi a nih. Fàk tiengpang hi chu sum seng ngai a ni leiin zuk hril rak ei tum naw, thawthei chun a ṭha. Exer làk hi insukhmu zuol sau sau ei tieu. Taksa hriselna dinga hmalak hi very biblical a nih.
Covid-19 hi Suol(Diebol) le khawm inangna tak annei. Peter chun, 'Ngaiven unla, fimkhur ro; in khingpui Diebol chu sakeibaknei inrûm hlak angin a fàk ding zawngin an vèl ruoi hlak a nih' lo tih. Damte in a mi bei hlaka, ei nuom zawng dàm, ṭha ei ti zawng, inhawi ei ti zawng hmangin ei hrietlo-in mi hne tumin an vèl ruoi hlak a nih. Suol hi a tirin inhawi hmèl deu, khawp le tlaina ni awmtak in hmutheia inlang si loin a mi sukse hlak. Suol hi do dàn chi tum tum um sienkhawm Pathien Thu hmanga beilet hin a huom vawng a nih. Isu thlèma a uma a beilet dàn a khan hmu thei a nih. A tawi zawngin Suol chuh iem ana ti hriet hmasa zeta, hnebàn-a that chimit el ding a nih. Hi beiletna dinga ei immune system chu Krista thilthawtheina mawl hi a nih. Nitin Pathien le inpawlna (fellowship) neia insukhrat, Bible tiem (daily bread) le ṭawngṭai, hun hmang indik, inbûktawka insûng, sin le mawphurna kengkaw hai hi a pawimaw hlè.
Immune System a ṭhatak chu Krista hi a ni phawt el. Krista leh nitina hun hmang el naw chun covid-19 khawm ku hi a dôlet dàn um mawl ta loa. Krista nei leia natna hrik a'nthawk fihlim ding tina ni loin Krista ei nei chun taksa damna nèka pawimaw lem thlarau damna Chatuon dai ei nei ding leiin hi nèka hlu le ngaipawimaw lem ding a um nawh. Beiseina hring neitu hai hi Vànram mi'n hnai tir mawl raw seh.
Johny Laldinthar F. Tusing,
UBS, Pune.
India ramah mithiemhai (scientists) hai chun taksaa natna lo beilettu immune system hratnaw hai chauin hi natna covid-19 hi anlang hlaka. India ramah hi natna hi 80% inlanglo (asymptomatic) case ei nih an tih. A damdawi hmuna dingin hun sâwttak a la aw ding niin anhril bawk.
Hi natna hrik hi chu mak vê tak a nih. Mi hràt pàngngai mi hrisel tading chun a hrik pai/kawl zing thei a nih. Hriet loa hi hri hi hun sawttak kawl thei a lo ni awm. Boruoka darkar 3-4 inkar sûng khawm la dam var var thei inkai awlsam tak ni bawk, a damdawi hmu el thei bawk lo chuh.... Iem Hril Tàng Ei Tah?
Ei taksa-a natna hrik lo beilêttu taksa sipaihai Immune System hi a hràt a ṭul hlé. Hi hràtna dingin fàk sukṭhat (fàk inbûktawk balance diet) dàm, nitina regular taka taksa insawizawi (exercise) bàka in huntawk (enough sleep) hai hi ei mamaw hlak. Hrisel nuom chun sum sèng ngailo chu nitina exer làk, mamaw tawk in (sleep) hi a nih. Fàk tiengpang hi chu sum seng ngai a ni leiin zuk hril rak ei tum naw, thawthei chun a ṭha. Exer làk hi insukhmu zuol sau sau ei tieu. Taksa hriselna dinga hmalak hi very biblical a nih.
Covid-19 hi Suol(Diebol) le khawm inangna tak annei. Peter chun, 'Ngaiven unla, fimkhur ro; in khingpui Diebol chu sakeibaknei inrûm hlak angin a fàk ding zawngin an vèl ruoi hlak a nih' lo tih. Damte in a mi bei hlaka, ei nuom zawng dàm, ṭha ei ti zawng, inhawi ei ti zawng hmangin ei hrietlo-in mi hne tumin an vèl ruoi hlak a nih. Suol hi a tirin inhawi hmèl deu, khawp le tlaina ni awmtak in hmutheia inlang si loin a mi sukse hlak. Suol hi do dàn chi tum tum um sienkhawm Pathien Thu hmanga beilet hin a huom vawng a nih. Isu thlèma a uma a beilet dàn a khan hmu thei a nih. A tawi zawngin Suol chuh iem ana ti hriet hmasa zeta, hnebàn-a that chimit el ding a nih. Hi beiletna dinga ei immune system chu Krista thilthawtheina mawl hi a nih. Nitin Pathien le inpawlna (fellowship) neia insukhrat, Bible tiem (daily bread) le ṭawngṭai, hun hmang indik, inbûktawka insûng, sin le mawphurna kengkaw hai hi a pawimaw hlè.
Immune System a ṭhatak chu Krista hi a ni phawt el. Krista leh nitina hun hmang el naw chun covid-19 khawm ku hi a dôlet dàn um mawl ta loa. Krista nei leia natna hrik a'nthawk fihlim ding tina ni loin Krista ei nei chun taksa damna nèka pawimaw lem thlarau damna Chatuon dai ei nei ding leiin hi nèka hlu le ngaipawimaw lem ding a um nawh. Beiseina hring neitu hai hi Vànram mi'n hnai tir mawl raw seh.
Johny Laldinthar F. Tusing,
UBS, Pune.
.jpg)
