Pathien Lekhbu Inthieng Bible suichieng a pawimaw.
Bible hi Pathien Thu hlang Thlarau Inthieng inthuokkhum a nih.
Bible hi indepth study zet naw chun hrilsuol ṭi a um leiin mithiemlem hai thuziek la zuk rawn phawt hi thawdan ṭha niin ka hriet. Pu Keivom in 'mingohai (colonial mindset neitu) bawiah ei intang sawt taluo a, an thaw dan le hril dan taphot indik dinga ngaina Pathien Lekhbu Inthieng Bible suichieng a pawimaw. ei nei leiin, eini tukvera inthoka ei mit ngeia thlir ngamna lungril ei put thei naw a, chu chu ei thrangmawbawk laia pakhat a nih,' tiin.
Andikna chin um sienkhawm mingohai angin ei sui inthûk naw hlè; anni angin resource ei nei ṭha naw; sum le pai an nei ang bawkin hmun pawimaw antlung theia library ṭha(biblical literature) anhmang thei tlat; anni angin ei taima tàwk naw. Craig S Keenner in Thilthawhai hrilfiena series a ziek hin Israel ram chen sir in, average in nitin dàrkar 10 anghu hun pe in a zo na dingin kum 10 a làk a nih. Hieng anga mi dawnril le tha le zung seng eini mi ei um ta am? Ti hi zawna pawimawtak a nih. Chuleiin, mingohai thuziek hi ei besannaw theinaw. An bawiah intangna anga ngai chun ngai thei tàk ni ngei a tih.
Dr. Martyn Lloyd Jones in Rom lekhathawn hrilfiena (series) a ziek lai Rom 6 hi a hrietthiem el naw leiin hrietthiemna dingin kum khat a la nghàk(a la'n buotsai); Rom hrilfiena na na chu Martyn Llyod le Ernst Kasemann hai hi ràwn hlaw pawltak a nih. Theologian R. T. Kendall in Isu'n tekhinthu a hrilhai Guide ziek dingin ansukthlûk a Luka 16:1-12 a Sum enkawltu ringum naw tekhithu hi hrietthiem intak a ti deu leiin thla iemani zàt a la study. Hrilfiena hai hi inhmaw taluo ding annaw, damte a study chat chat a, andik dàn ding tak suichieng phawt naw chun Pathien Thu hi sukkhawlo thei a ni tlat. Ka ngaidan ve el a nih.
Zawna a hin hei lut chawt ei tih.
Ans to Q.1
Isu hun lai hin chawngzawng hi an zawr hlak hrim a nih.
Notes:
Craig S. Keener in Background Commentary a ziekna-a chun, 'Isu hun lai hin market ah anthil zawrhai laia a man tlawmtak (cheapest item) pasiehai tadinga anzawr hlak thu a hril.
Israel ramah mi rimsie hai chun chawngzawng hi anfàk nasa thei hlè nia hriet a nih bawk.
Ans to Q.2
Isu hun lai hin chawngzawng hi fàk (hme) dinga anzawr tlangpui thu Leon Morris chun a hril.
Hrilfietu ṭhenkhat chun sakhuo thilah inthienna dingin mi pasiehai in anhmang hlak antih. Lev.14:4-7 ei en chun chawngzawng pahni (pair) inphàr inthienna dingin anhmang hlak thu ei hmu a nih.
Isu'n iengleia chawngzawng hi inentirna-in a hmang kher am ning a ta? Judahai hin chawngzawng hi anhrietchieng èm em a, a hlutna le a man hai chen khawm anhriet hlè. Thilchîntak a'nthawka ropui le hlû lem hrilnaa a hmang a nih.
Mathai le Luka hai in chawngzawng man zàt an hril hi ankawkal ning a tî? Ni lo e, Mathai hin Judahai hrietthiem thei dingin an sakhuo thilah anhmang hlak chawngzawng pahni kher hi a hmang a nih. Luka ruok chun Jentailhai hrietthei ding zawngin market a man tlawmtea chawngzawng 5 anzawr hlak thu a hril ve thung a nih. Chawngzawng man hi chi hnia ṭhe thei a nih- 2 a ni chun dar tangka pakhatin anzawr a [1/32 denarius]; 5 hi dar tangka pahniin [1/80 denarius], denarius hlutna hi a chawngzat le ei puntir in 1/16 ve ve a suok a nih. Denarius khat chuh sinthawtu nikhat hlaw anghu a nih. Bazaar a chun thil ei inchawk ràwn hai chuh a man a tlawm hlak. 5 inchawk chun 1 a free ding tina a nih.
Isu hin thilzawrna hmunah thilhlu naw tak chawngzawng hmangin suknawmnattu le dotu tamtak karah khawm ṭi lo dinga anfuina a nih. Chawngzawng hlutna nei naw èm em pakhat hman Pathien boin (thu loin) hnuoiah an tla ngai nawa, Pathienin àn hmei ngai naw a ni leiin; chuongang chawngzawng tamtak hai nèka hlu lem anni leiin ama zuitu le ṭantuhai chu an samzai chen khawm tiem vawng a ni tiin 'Ṭi naw ro' tiin anfui a nih. Covid-19 boruok lai le khawm relevant (anmil) hlè.
.jpg)
